August 25, 2023

«Ավետյաց Երկրի Տեսիլքով» Գրքի Շնորհահանդէս Հայկական Բարեգործական Ընդհանուր Միութեան Մոնթրէալի Կեդրոնէն ներս
Հովանաւորութեամբ Հայկական Բարեգործական Ընդհանուր Միութեան, Հինգշաբթի, 10 Օգոստոս 2023-ին ՀԲԸՄ Մոնթրէալի Ալեք Մանուկեան Կեդրոնին մէջ, ներկաներու հոծ բազմութեամբ տեղի ունեցաւ Տաւուշի Թեմի Առաջնորդ՝ Գերշ. Տէր Բագրատ Արք. Գալստանեանի «ԱՎԵՏՅԱՑ ԵՐԿՐԻ ՏԵՍԻԼՔՈՎ» գրքի շնորհահանդէսը: AGBU Armenia Տավուշի Թեմ – ՏաՀույս / Diocese of Tavush of the Armenian Apostolic Church
Բարի գալստեան խօսքով ներկաները ողջունեց ՀԲԸՄ Մոնթրէալի Ատենապետ Տիար Շահէ Թանաշեանը: Ապա, հանրածանօթ լրագրող եւ բանախօս Լեւոն Սեւունց հանգամանօրէն ներկայացուց Սրբազան Հօր գիրքը:

Ներկաներու ծափողջոյններուն տակ խօսք առնելու հրաւիրուեցաւ Սրբազան Հայրը: Գիրքին բանալիները կը տրուէին՝ վերադառնալու հայութեան իսկատիպ նկարագրին: Միայն այդ միջոցով հնարաւոր է կառուցել մեր Ավետյաց Երկիրը, որը բոլորիս երազանքն ու ձգտումն է:
Ավետյաց Երկիրը մեր բոլոր իղձերուն, մեր ձգտումներուն, երջանկութեան եւ անսպառ ուրախութեան երկիրն է, որը կառուցելու ճանապարհին մէջ կոչուած է ըլլալու իւրաքանչիւր հայ՝ որպէս առանձին անձ, եւ որպէս հաւաքականութիւն՝ ազգ-ժողովուրդ:
Ինչպէս կ’ըսէ Բագրատ Սրբազանը, «Մի գուցէ մեզմէ շատերը չտեսնեն Ավետյաց Երկիրը, բայց մենք կոչուած ենք այդ տեսիլքով ապրելու ու կառուցելու այն»: Bishop Bagrat Galstanyan